அஞ்சலியின் க்ளாமர் பார்வை!

கற்றது தமிழ் படத்தில் காந்தமாய் வசிகரித்த குடும்ப அழகு அஞ்சலி எங்கே எனத்தேடினால் ‘அங்காடி தெரு’, ‘ரெட்டைச்சுழி’ என இரண்டு படங்களில் சைலண்டாக நடித்து முடித்து அலட்டல் இல்லாமல் அடுத்த வாய்ப்புக்காக கத்திருக்கிறார். " இங்கே அறிமுகமாற முதல் படம் ஹிட் ஆனாதான். அதுல நடிச்ச ஹீரோயின லக்கி கேர்ள்ன்னு சொல்லுவாங்க. ஹீரோ எத்தன பிளாப் கொடுத்தாலும் அவருக்கு மார்க்கெட் இருந்துகிட்டே இருக்கும்பாங்க.

இந்த மாதிரி மூடநம்பிக்கை பாலிவுட் வரைக்கும் சகஜம். கற்றது தமிழுக்குப் பிறகு எனக்கு ஏழு வாய்ப்புக்கள் வந்தது. எல்லாமே சராசரி ஹீரோயின். ஆனா நான் ஏத்துக்கல. சினிமால கொஞ்ச காலம் இருக்கனும்ண்ணு ஆசப்பட்டு இரண்டு படங்கள மட்டும் ஒத்துகிட்டேன். அந்த படங்கள்தான் இந்த ரெண்டும்.

ரெட்ட சுழியில் ஒரு பாடல் மட்டும் பாக்கி இருக்கிறது. இரண்டு படங்களும் தமிழ்ல எனக்கு ஒரு புதிய இடத்த தரும். கற்றது தமிழ் எனக்கு சிறந்த அறிமுகபடமாக அமைஞ்சதுல ரொம்ப மகிழ்ச்சி. க்ளாமர்இ நீச்சல் உடை, முத்தக் காட்சி எல்லாம் சினிமாவில் சர்வ சாதாரணம். அதை போய் நாம் பெரிதாக பேசிக் கொண்டிருக்க வேண்டாம்..

முகம் சுழிக்கிற அளவுக்கு க்ளாமர் செய்ய வேண்டும் என எந்த நடிகையும் விரும்புவதில்லை. சில படங்களில் கவர்ச்சி பேசப்படுகிறது. சில படங்களில் ஓவர் கவர்ச்சின்னு திட்டுறாங்க. பாராட்டும், திட்டும் சினிமாவுக்கும், விளையாட்டுக்கும் முக்கியம். விமர்சனங்கள் இல்லேன்னா எந்த துறையும் சிறப்பாக செயல்பட முடியாது. எனக்கு க்ளாமர் சரியாக வராது என்பது என்னோட கருத்து. ரசிகர்கள் எங்கிட்ட க்ளாமரை எதிர்பார்க்கல என்பதும் எனக்கு தெரியும். க்ளாமர் கதைகள் வந்து எனக்கு பிடித்திருந்தால் நிச்சயம் செய்வேன். கதைகளுக்கு முக்கியத்துவம் உள்ள சினிமாக்கள் மட்டுமே இங்கே வெற்றி பெறுகிறது. க்ளாமர் மட்டும் இங்கே வெற்றி பெறாது” அற்புதமாகச் சொல்கிறார் அஞ்சலி.